ராம்லீலா மைதான சம்பவம்: ராம்தேவ் அறக்கட்டளை பதிலளிக்க வேண்டும்- உச்ச நீதிமன்றம் உத்தரவு

தில்லி ராம்லீலா மைதானத்தில் யோகா குரு ராம்தேவின் ஆதரவாளர்கள் நள்ளிரவில் வெளியேற்றப்பட்ட சம்பவம் தொடர்பாக பதில் மனு தாக்கல் செய்யுமாறு ராம்தேவின் அறக்கட்டளைக்கு உச்ச நீதிமன்றம் திங்கள்கிழமை உத்தரவிட்டது.

 தில்லி ராம்லீலா மைதானத்தில் தனது ஆயிரக்கணக்கான ஆதரவாளர்களுடன் ராம்தேவ் கடந்த ஜூன் 4-ம் தேதி உண்ணாவிரதம் இருந்தார். நள்ளிரவில் மைதானத்துக்குள் நுழைந்த தில்லி போலீஸôர் அங்கிருந்தவர்களை வெளியேற்றினர்.

 இந்த விவகாரத்தை தாமாகவே முன்வந்து உச்ச நீதிமன்றம் விசாரணைக்கு எடுத்துக் கொண்டது. நீதிபதிகள் பி.சதாசிவம், ஏ.கே.பட்நாயக் ஆகியோர் அடங்கிய விடுமுறைக்கால பெஞ்ச் இந்த வழக்கை விசாரித்து வருகிறது.

 ராம்லீலா மைதானத்திலிருந்து ராம்தேவின் ஆதரவாளர்களை வெளியேற்றுவதற்கு போலீஸôர் எந்தவிதமான சக்தியையும் பிரயோகிக்கவில்லை என்று தில்லி போலீஸ் சார்பில் ஆஜரான மூத்த வழக்கறிஞர் யூ.யூ.லலித் வாதிட்டார்.

 இதற்கு ஆதாரமாக சில விடியோ பதிவுகளையும், புகைப்படங்களையும் நீதிமன்றத்தில் அவர் சமர்ப்பித்தார்.

 இவற்றைப் பரிசீலிப்பதாகத் தெரிவித்த நீதிபதிகள், "நீங்கள் அவர்கள் மீது பல்வேறு குற்றச்சாட்டுகளைக் கூறியிருக்கிறீர்கள். இவை தொடர்பாக அவர்களும் பதிலளிக்கட்டும்' என்று தெரிவித்தனர்.

 இதன்படி, ராம்லீலா மைதான நிகழ்ச்சிக்கு ஏற்பாடு செய்த பாரத் ஸ்வாபிமான் அறக்கட்டளைக்கு பதில் மனு தாக்கல் செய்யுமாறு உத்தரவிடப்பட்டது.

 முன்னதாக போலீஸôர் தரப்பில் தாக்கல் செய்யப்பட்ட பிரமாணப் பத்திரத்தில், "போலீஸôர் மீது ராம்தேவின் ஆதரவாளர்கள் கற்களை வீசி வன்முறையில் ஈடுபட்ட பிறகே, போலீஸôர் அவர்களை நோக்கி 8 கண்ணீர்ப் புகைக் குண்டுகளை வீசினர்' என்று கூறப்பட்டிருந்தது.

 ராம்லீலா மைதானத்தில் யோகாசனப் பயிற்சி நடத்துவதற்கு மட்டுமே அனுமதி வழங்கப்பட்டிருந்ததாகவும், ஆனால் அதை மீறும் வகையில் அங்கு உண்ணாவிரதப் போராட்டம் நடத்தப்பட்டதாகவும் போலீஸôர் தரப்பில் நீதிமன்றத்தில் வாதிடப்பட்டது.

 இதனிடையே இந்த வழக்கில் தம்மையும் சேர்த்துக்கொள்ளுமாறு வழக்கறிஞர் அஜய் அகர்வால் தாக்கல் செய்த மனுவை நீதிபதிகள் தள்ளுபடி செய்தனர்.

 வழக்கின் விசாரணை வரும் 11-ம் தேதிக்கு ஒத்திவைக்கப்பட்டிருக்கிறது.

Who the F..k You Ramdev and Anna Hashare Are | ஆயுதமேந்திப் போராடுவோம் - ராம்தேவ் & 2ம் சுதந்திரப் போராட்டத்தில் ஈடுபட்டுள்ளோம் அன்னா ஹஸாரே

அடுத்த முறை நாங்கள் போராட்டம் நடத்தினால், ஆயுதமேந்துவோம். எங்களைத் தாக்குவோரைத் திருப்பித் தாக்குவோம். இதற்காக 11,000 பேர் கொண்ட படையை உருவாக்குவோம் என்று கூறியுள்ள பாபா ராம்தேவுக்கு மத்திய அரசு கடும் கண்டனம் தெரிவித்துள்ளது.

தனது ஹரித்வார் ஆசிரமத்தில் உண்ணாவிரதம் இருந்து வரும் ராம்தேவ் செய்தியாளர்களிடம் பேசுகையில், நாங்கள் அடுத்த முறை போராடும்போது வெறும் கையுடன் வர மாட்டோம். 11,000 ஆண், பெண்களைக் கொண்ட படையை உருவாக்குவோம்.

அடுத்து ராம்லீலா மைதானத்தில் ராவண லீலாதான் நடைபெறும். எங்களை யார் அடித்தாலும் திருப்பி அடிப்போம். ஒவ்வொரு பிராந்தியத்திலும் 20 ஆண்களையும், 20 பெண்களையும் தேர்வு செய்து அவர்களை ஊழலுக்கு எதிரான போர்ப்படையாக உருவாக்குவோம். இவர்கள் 35 முதல் 40 வயது கொண்டவர்களாக இருப்பார்கள். இவர்களுக்கு ஆயுதம் கொடுத்து, அவர்களை படை போல தயாரிப்போம். இது ஒரு ராணுவம் போல செயல்படும் என்றார் ராம்தேவ்.

இந்தப் பேச்சுக்கு மத்திய அரசு கண்டனம் தெரிவித்துள்ளது. இதுகுறித்து கருத்து தெரிவித்துள்ள பிரதமர் அலுவலகத்திற்கான இணை அமைச்சர் நாராயணசாமி கூறுகையில், ராம்தேவின் இந்தப் பேச்சை உள்துறை அமைச்சரின் கவனத்திற்குக் கொண்டு செல்வேன். இது தேச விரோத பேச்சாகும். இதுகுறித்து நடவடிக்கை எடுத்தாக வேண்டும் என்றார் அவர்.

ராம்தேவ், அன்னாவுக்கு காங். கண்டனம்

இதற்கிடையே காங்கிரஸ் கட்சியும் ராம்தேவ் பேச்சுக்குக் கண்டனம் தெரிவித்துள்ளது.

ஆயுதமேந்திப் போராடுவோம் என்று ராம்தேவ் கூறுகிறார். அவரை ஆதரிக்கும் பாஜக, இதை ஆதரிக்கிறதா என்பதை விளக்க வேண்டும். அதேபோல 2ம் சுதந்திரப் போராட்டத்தில் ஈடுபட்டுள்ளோம் என்று அன்னா ஹஸாரே கூறியுள்ளார். இதுவும் கண்டனத்துக்குரியது. தற்போது மத்தியில் நடந்து வருவது சட்டப்படி தேர்ந்தெடுக்கப்பட்ட மக்கள் அரசு. இந்த அரசுக்கு எதிராக 2ம் சுதந்திரப் போரில் ஈடுபட்டுள்ளோம் என்று அவர் கூறியிருப்பது கண்டனத்துக்குரியது என்று காங்கிரஸ் கட்சி தெரிவித்துள்ளது