Mutton Rogan Josh: மட்டன் ரோகன் ஜோஸ்

மட்டன் ரோகன் ஜோஸ் தேவையான பொருட்கள் :
ஆட்டு இறைச்சி - 1/2 கிலோ
மிளகு - 2-4
லவங்கம் - 5
கறுப்பு ஏலக்காய் - 4
பட்டை - 1
யோகர்ட் - 1 கப்
சமையல் எண்ணெய் (டால்டா) - 5 டீஸ்பூன்
பிரியாணி இலை - 2
பெருங்காயத்தூள் - 1/2 டீஸ்பூன்
சர்க்கரை - 1 டீஸ்பூன்
இஞ்சி பவுடர் - 1 டீஸ்பூன்
காஷ்மீரி சில்லி பவுடர் - 1 டீஸ்பூன்
பென்னல் பவுடர் - 1 டீஸ்பூன்
உப்பு - தேவைக்கேற்ப
மட்டன் ரோகன் ஜோஸ் செய்முறை:
இறைச்சியை சுத்தம் செய்து யோகர்ட்டில் ஊற வைக்கவும்.
ஒரு கடாயில் 5 டீஸ்பூன் டால்டா ஊற்றி காய்ந்ததும் பிரியாணி இலை, பெருங்காயத்தூள் சேர்க்கவும், தொடர்ந்து மட்டன் துண்டுகளை போட்டு யோகர்ட்டைச் சேர்க்கவும்.
மஞ்சள் தூள், லவங்கம், கறுப்பு ஏலக்காய், மிளகு இவை சேர்த்து சில நிமிடங்கள் வறுக்கவும்.
இதைக் கிளறும்போதே எண்ணெய் தனியே, யோகர்ட் தனியே பதமாக வருவதைக் காணலாம்.
இத்துடன் காஷ்மீரி மிளகாய்த் தூள், சர்க்கரை சேர்த்து ஒரு நிமிடம் கலக்கவும்.
காஷ்மீரி மிளகாய்த்தூள் சேர்க்கவும். தகுந்த உப்பு சேர்த்து 1/2 நிமிடம் அல்லது ஒரு நிமிடம் கலக்கவும்.
இப்பொழுது கிரேவி திக்காக வந்ததும், சோம்பு பவுடரோடு ஒரு கப் தண்ணீர், இஞ்சி பவுடர் சேர்க்கவும்.
இதை குறைந்த தீயில் 30 நிமிடங்கள் வைத்திருக்கவும். கிரேவி திக்காக வந்ததும் இதைத் தனியே பரிமாறும் பாத்திரத்திற்கு மாற்றவும்.
மட்டன் ரோகன் ஜோஸ் குறிப்பு:
பொதுவாக ரோகன்ஜோஸ் செய்முறைக்கு ஆட்டு இறைச்சியின் தோள்பகுதியை தேர்ந்தெடுக்கவும்.
மேலே குறிப்பிடப்பட்டுள்ள அளவு 8 முதல் 10 நபர்கள் சாப்பிடப் போதுமானதாகும்.
காஷ்மீரி மிளகாய்த் தூள் இல்லையென்றால் சாதாரண மிளகாய்த்தூள்உபயோகிக்கலாம். ஆனால் ருசி வேறுபடும்.

இந்த மட்டன் ரோகன்ஜோஸ் நான் பிரெட், பட்டர் சப்பாத்தி இவற்றிற்குத் தொட்டுக் கொள்ள சுவையாக இருக்கும்.

Thanks : செப்' தாமு

Idly Manjoorian: இட்லி மஞ்சூரியன்

இட்லி மஞ்சூரியன் தேவையானவை

இட்லி - 6
இஞ்சிப்பூண்டு விழுது - 1 டீஸ்பூன்
பெரிய வெங்காயம் - 2
தக்காளி - 2
வெள்ளை மிளகுத்தூள் - 1/4 டீஸ்பூன்
சோயா சாஸ் - 1 டீஸ்பூன்
அஜினோமோட்டோ - 1 சிட்டிகை
மிளகாய்த்தூள் - 1/2 சிட்டிகை
கறி மசாலா - 1/2 டீஸ்பூன்
உப்பு - தேவையான அளவு
எண்ணெய் + நெய் - தேவையான அளவு

 

இட்லி மஞ்சூரியன் செய்முறை

இட்லியை துண்டுகளாக நறுக்கி வாணலியில் சிறிது எண்ணெயைக் காயவிட்டு அதில் பொரித்து எடுத்து தனியே வையுங்கள்.

பிறகு வாணலியில் தேவையான அளவு எண்ணெய் விட்டு இஞ்சி - பூண்டு விழுது, வெங்காயம், தக்காளி வதக்கவும்.

வதங்கியதும் மிளகுத்தூள், சோயா சாஸ், அஜினோமோட்டோ, மிளகாய்த்தூள், கறிமசாலா, உப்பு சேர்த்து நன்கு பச்சை வாசனை போக வதக்கவும்.

நன்கு வதங்கியதும் பொரித்து வைத்த இட்லி துண்டுகளைப் போட்டு ஒரு கிளறு கிளறி, பச்சைக் கொத்துமல்லி தூவி கிளறி இறக்கி வைக்கவும்.

சூடான இட்லி மஞ்சூரியன் ரெடி.

குறிப்பு

அஜினோமோட்டோ குழந்தைகளுக்கு அதிகம் ஒத்துக்கொள்ளாது. மிகக் குறைந்த அளவே பயன்படுத்தவும்.

கீதா தெய்வசிகாமணி

தோஞ்சல் கடலைப் பருப்பு குழம்பு | Thonjal Kadalai Paruppu Kulambu- Tamilnadu Recipies

தேவையான பொருட்கள்

தோஞ்சல் - 1
கடலைப்பருப்பு - 1 ஆழாக்கு
தேங்காய் - 1
மஞ்சள்தூள் - 1/2 டீஸ்பூன்
தனியாத்தூள் - 3 டீஸ்பூன்
சாம்பார் வெங்காயம் - 200 கிராம்
தக்காளி - 200 கிராம்
இஞ்சி - சிறுதுண்டு
பூண்டு - 6 பல்
மிளகாய்த்தூள் - 1 டீஸ்பூன்
உப்பு - தேவையான அளவு
எண்ணை - 1 குழிக் கரண்டி

செய்முறை

* தோஞ்சலைச் சுத்தம் செய்து `கட்' செய்து கொள்ளவும்.

* கடலைப் பருப்பை ஊற வைத்து வேக வைத்துக் கொள்ளவும்.

* தேங்காய், இஞ்சி, பூண்டு அரைத்துக் கொள்ளவும்.

* குக்கரில் எண்ணை ஊற்றி காய்ந்ததும் உரித்த சாம்பார் வெங்காயம், நறுக்கிய தக்காளி இவற்றைச் சேர்த்து வதக்கவும்.

* அதனுடன் தோஞ்சலைச் சேர்த்து மஞ்சள் தூள், மிளகாய்த் தூள், தனியாத்தூள், தேவையான அளவு உப்பு சேர்க்கவும்.

* தொடர்ந்து கடலைப்பருப்பு மற்றும் அரைத்த தேங்காய் விழுதைச் சேர்த்து குக்கரில் வேக வைத்து இறக்கவும்.

* சுவையான தோஞ்சல் கடலைப்பருப்பு குழம்பு ரெடி.